KRATERO
Kratero estas senprofita eldona projekto
La projekto volas havebligi verkojn, kiuj estas publika havajo, kiel modernstilaj bitlibroj kaj doni al ili la eblon reviviĝi papere danke al laŭmenda presado. Ni ankaŭ eldonas originajn verkojn
Sesdek ŝakproblemoj
Sesdek ŝakproblemoj el 1909, estis la unua libro pri ŝako verkita en Esperanto. En ĉi tiu reeldono, ĉiuj bildoj de ŝaktabuloj estas ĝisdatitaj. Ankaŭ ni aldonis novajn ŝaktabulajn bildojn en la solvoparton de la libro por faciligi la legadon. La verko restas tiel kiel ĝi estis verkita de J. Paluzíe (Barcelono. 1860-1938), krom pri la modernigo de kelkaj mallongigoj aŭ la plibonigo de la aspekto de la ŝaknotacio.
Reta elŝuto Papera libro
La Reĝo de la Montoj
Verkita antaŭ pli ol jarcento kaj duono, La Reĝo de la Montoj tute aktuale alvokas kontraŭ la internacia blindeco pri monprofito akirita per loka perforto. La aŭtoro jam avertis la legantojn pri tio, kiel la ekonomiaj retoj influas la tutmondajn konfliktojn, substrekante kiel egoisma individualismo fortigas la maljustecojn. Certe indas legi verkon, en kiu nia mondo ankoraŭ troe klare speguliĝas.
Kun 158 ilustraĵoj de G. Doré.
Reta elŝuto Papera libro
APERONTA
Rakontoj de Mistero kaj Imago
Ok rakontoj de Edgar Allan Poe en Esperanto: Liĝeja, La ovala portreto, La barelo de amontilado, Kelkaj vortoj kun mumio, La homo, kiu troviĝis eluzita, La silento, La puto kaj la pendolo kaj En la Maelstróm-on. Ilustrita eldono.
Reta elŝuto Papera libro
Cindrulino, la Belulino Dormanta kaj aliaj rakontoj
Ĉi tiu libreto kombinas kvar rakontojn de Perrault, tradukitaj de Péroline Sarpy kaj publikigitaj en 1908, kun belaj bildoj de du konataj ilustristoj: Arthur Rackham (1867-1939) kaj William Heath Robinson (1872-1944).
Reta elŝuto Papera libro
Skizo pri teorio de Esperanto
Skizoj pri Teorio de Esperanto de Ernest Drezen aperis en 1931 kaj traktas el ĝenerala vidpunkto gramatikon, fonetikon, morfologion, sintakson, semantikon, etimologion kaj enhavas interesajn vidpunktojn kiuj ankoraŭ povas pensigi la nuntempan leganton.
Krom la historia valoro kiun la verko reprezentas, ĝiaj interesaj skemoj, preskaŭ elektronikstilaj, montras la pioniran laboron de la aŭtoro. Ĉi tiu reeldono proponas redesegnitajn versiojn de tiuj originalaj grafikaĵoj por faciligi ĝian legadon.
Reta elŝuto Papera libro
La Fina Batalilo
La fina batalilo estis verkita de Theodora Wilson Wilson en 1916. La verko antaŭvidis la atombombon kaj estis malpermesita la sekvan jaron de sia publikigo pro sia pacemo. Ĝi estas sciencfikcia romano kun forta religia influo.
Faksimila eldono.
Reta elŝuto Papera libro